Koreja e Veriut zbuloi një lloj të ri të raketës balistike, që lëshohet nga nëndetësja, gjatë një parade ushtarake në Phenjan.
Pamjet e medias shtetërore treguan udhëheqësin Kim Jong-un duke buzëqeshur, derisa mbikëqyrte ngjarjen në sheshin Kim Il Sung.
Në paradë marshuan edhe radhë ushtarësh, tanke e raketahedhës. Raketa e re balistike u përshkrua nga si “arma më e fuqishme në botë”.
“Arma më e fuqishme e botës, raketat balistike që lëshohen nga nëndetësja, kaluan në shesh njëra pas tjetrës, duke demonstruar fuqinë e forcave revolucionare të armatosura,” njoftoi agjencia e lajmeve KCNA.
Shfaqja e forcës ushtarake në Korenë e Veriut vjen vetëm disa ditë para inaugurimit të Joe Bidenit si president i SHBA-së.
Ai po ashtu pason një takim të rrallë politik në Phenjan, ku Kim e cilësoi SHBA-në si armikun më të madh të vendit të tij.
