Paraditen e sotme ka rënë zjarr në katedralen Ringjallja e Krishtit qytetin e Korçës. Katedralja është përfshirë nga flakët teksa dhjetëra besimtarë ortodoksë ishin mbledhur për aktivitetin e organizuar në kuadër të ditës së Ujit të Bekuar. Nga katedralja që ndodhet në qendër të qytetit dukeshin shtëllungat e tymit.
Mësohet se pas mbajtjes se meshës ku ka qenë i pranishëm edhe Presidenti Ilir Meta, është përfshirë nga flaket pjesa e brendshme e Katedrales, në vendin ku ndizen qirinjtë. Nga të dhënat e para mësohet se nuk ka dëme në ikona nga zjarri që përfshiu katedralen. Zjarri është shuar menjëherë pas mbërritjes së zjarrfikëses.
