Një ngjarje e rëndë ka ndodhur pasditen e sotme në Korçë, ku një 8-vjeçar ka rënë nga kati i 5-të i një pallati.
Nga të dhënat paraprake mësohet se djali ndodhet në gjendje të rëndë për jetën, në spitalin e këtij qyteti.
Sipas banorëve të lagjes thuhet se 8-vjeçari ka qenë duke luajtur me një shok të klasës.
Burime nga policia e Korçës thonë se ekspertiza e policisë ka mbërritur në vendngjarje dhe ka nisur procedurën për zbardhjen e ngjarjes.
