Konsulli shqiptar në Janinë Eltjon Verleni në një komunikim për mediat u shpreh se po negociohet me palën greke.
“Kemi folur me palën greke. Ata kanë shtuar sportelet, nga 2 janë bërë 3 sportele. Gjithashtu është rritur stafi i palës greke. Po negociojmë që pala helene të hapë kufirin edhe gjatë natës”, tha Verleni.
Ky i fundit pohoi se deri tani situata është e jashtëzakonshme.
“Jemi në negociata edhe për të shtuar numrin e qytetarëve shqiptarë që kalojnë kufirin. Sot kalojnë 4000 qytetarë, nga 1000 që ishin më parë. Kemi kërkuar që të shtohet staf mjekësor, staf në doganë etj”, vijoi ai.
