Anëtari i kryesisë së Vetëvendosjes, Glauk Konjufca, ka kritikuar ashpër menaxhimin e situatës së pandemisë nga qeveria Hoti.
Në një intervistë për Kanal 10, Konjufca tha se situata do të ishte shumë më e mirë nëse nuk do të kishte ndërhyrje fare nga Qeveria. Sipas tij, do të kishte më pak infeksione nëse kjo situatë do i lihej në dorë stafit të QKUK-së.
“Kur e shohim se si e ka menaxhuar pandeminë Qeveria Hoti atëherë përfundimi është ky, që po të lihej pa ministri fare dhe pa ndërhyrjen e institucioneve shtetërore politike menaxhimi i pandemisë vetëm prej stafit të QKUK unë mendoj se do të kishte më pak infeksione dhe të vdekur se sa kur ka ndërhyrë Qeveria. Në një vend me këtë popullatë si ne, ku Qeveris i hup fija, se nuk e din ku janë vatrat, ku po fillon e ku po përfundon. Sa ishte në kohën e Arben Vitisë ai e dinte fijen”, tha ai.
Më tej, ai shtoi se nuk pajtohet fare me politikat e ministrit të Shëndetësisë, Armend Zemaj, në menaxhimin e pandemisë.
