Presidenti Trump anuloi sot takimin e tij të planifikuar me Presidentin e Rusisë Vladimir Putin. Vendimi i Trump erdhi pas qëndrimit të Rusisë, për konfliktin me tre anijet ukrainase. Kokëfortësia e Putin për të mos u tërhequr dhe vendimi i Trump për të mos u takuar, kanë ngurtësuar marrëdhëniet mes dy udhëheqësve.
Me anë të një mesazh në ‘Twitter’ Trump shkruan se “Duke u bazuar në faktin se anijet dhe marinarët nuk janë kthyer në Ukrainë nga Rusia, unë vendosa se do të ishte mirë për të gjitha palët e interesuara që të anuloja takimin tim të planifikuar më parë në Argjentinë me Presidentin Vladimir Putin “.
