Kjo fundjavë do të sjellë rikthime të rëndësishme në kampin e Manchester United dhe këtë gjë e ka konfirmuar vetë trajneri portugez, Mourinho. Ai ka bërë ne dije se Zlatan Ibrahimoviç dhe Pogba janë të gatshëm për të zbritur në fushën e blertë këtë fundjavë në përballjen që kanë me Newcastle. Ibrahimovic nuk është parë në fushat e blerta që nga prilli i sezonit të kaluar pas një dëmtimi të rëndë që mori në gjunjë, por performaca e mirë që bëri me “djajtë” sezonin e shkuar, bëri që të rinovonte edhe një vit kontratën. Ndërsa Pogba ka humbur gjurmët që nga shtatori, pas atij dëmtimi që morë në përballjen me Basel në sfidën e vlefshme për Champions league.
Rikthimi tjetër në momentin e duhur është edhe Marco Rojo, i cili vuajti një dëmtim në gjunjë dhe vjen në momentin që dëmtohet Phil Jones. Duke folur për “MUTV”, Mourinho konfirmoi riaftësimin e tyre, teksa tha: “Lojtarët që qëndruan këtu janë duke u shëruar nga dëmtimet, madje edhe ata që vuanin nga lëndime të mëdha, janë të gatshëm të luajnë”.
Mou konfirmoi edhe me emra lojtarët që janë rikuperuar nga dëmtimet de tha: “Pogba, Ibrahimovic dhe Rojo janë gati.”
Duke pasur parasysh se në sezonin e parë Ibra arriti të shënojë 28 gola në Premier League, ai beson se sëbashku me Lukakun, ata do të jenë një makineri golash. “Ai është një personalitet i pabesueshëm, – u tha gazetarëve. – Ne të gjithë ishim duke thënë se në vitin 2017 do të kthehet, por po bëhet gati të luajë në mes të nëntorit. Nuk mund të presim që ai të luajë 90 minuta, ose ndeshje të njëpasnjëshme. Ai mund të luajë me Lukakun. Pogba? Është e qartë që ju mund të shihni se ishte një Manchester United tjetër këtë sezon, para dhe pas lëndimit të tij. Ai ka cilësi që ndikojnë qasjen tonë në ndeshje”.
