Geoffrey Kondogbia, padyshim është një ndër lojtarët më të mirë tek Valencia këtë sezon, ata sot kanë arriti të mposhtin Espanyolin me rezultatin 0-2. Francezi që tek Interi nuk arriti të shpreh atë që mban në këmbët e tij, tek spanjollët po e bën mjaft mirë, madje ka shënuar një supergol në ndeshjen e sotme, që mund të cilësohet si goli më i bukur i javës.
Golin e parë e shënoi mesfushori francez, Geoffrey Kondogbia, gol ky më i bukuri i kësaj jave në La Liga, ndërsa golin e dytë Santi Mina. Pas kësaj fitoreje Valencia forcon pozitën e dytë më 30 pikë, katër më pak se Barcelona, me të cilën skuadër luan javën e ardhshme dhe gjashtë më shumë se sa Real Madrid.
