Goeffrey Kondogbia u transferua dy vite më parë me bujë të madhe tek Inter nga Monaco, pas një përplasje kokë më kokë mes dy ekipeve milaneze. Por në kampionatin italian francezi nuk arriti ta tregojë veten dhe për këtë arsye stafi drejtues i Inter vendosi ta jepte në huazim tek Valencia, duke marrë nga ata Joao Cancelon. Në këtë shkëmbim ka edhe një marrëveshje tjetër, pasi të dy ekipet kanë të drejtë të mbajnë në ekip lojtarin nëse paguajnë shumën e 25 milion eurove.
Kondogbia tek Valencia ka rilindur, ai ka bërë paraqitje mjaft të mira dhe ka bindur që në 6 javët e para drejtuesit e spanjollëve që të fusin në fuqi të drejtën e blerjes. Inter do të përfitonte plot 25 milion euro nga kjo marrëveshje, por nuk mbaron me kaq, pasi nëse Valencia di të shesë sërish francezin zikaltërit përfitojnë edhe 30% të shumës. Nga një dështim, Kondobia mund të kthehet në një sukses për Interin.
Tek Valencia mesfushori ka arritur të shënojë dy herë në gjashtë ndeshje dhe ka bërë paraqitje mjaft të mira, aq gola te Inter iu deshën plot 50 ndeshje për ti shënuar. Kondogbia ishte më i njohur me kampionatin spanjoll, pasi para se të kalonte tek Monaco ka qenë pjesë e Sevillias. Përpos blerjes francezit po i përgatitet edhe një kontratë që do të ketë një klauzolë pre 80 milion eurosh për tu prishur dhe në rast rishitjeje Inter do të përfitonte edhe 25 milion euro të tjera përveç atyre që merr në momentin e shitjes.
https://www.youtube.com/watch?v=Lwbh2ybB_Y0&ab_channel=MATCHDAYSHOW
