Koncesioni i Aeroportit të Rinasit do të zgjatet edhe me 13 vjet. Marrëveshja ndërmjet Këshillit të Ministrave dhe shoqërisë koncesionare “Tirana International Airport”, është dorëzuar për të kaluar në Kuvendin e Shqipërisë.
Lidhur me kontratën e aeroportit ka reaguar edhe kryetari i Partisë Demokratike, Lulzim Basha, i cili tshprehet se me ardhjen e tij në pushtet do të anulohet çdo koncesion i lëshuar nga qeveria Rama.
Basha është zotuar se me ardhjen në pushtet pas zgjedhjeve të 25 prillit, qeveria e tij do ta zhbëjë kontratën.
“Çdo akt koncesioni, PPP apo zgjatje koncesioni i propozuar nga qeveria ne ikje, është në shkelje flagrante të ligjeve të vendit. Zotohem para çdo shqiptari se unë dhe qeveria ime nuk do të njohim asnjë akt të tillë dhe do ta zhbëjmë atë. Aeroporti Ndërkombëtar “Nënë Tereza” do tu kthehet shqiptarëve dhe shtetit të tyre sipas përcaktimeve fillestare të kontratës koncesionare. Shqipëria do tu kthehet shqiptarëve! #ShqipëriaFiton,”-shkruan Basha në rrjetin socail, Twitter.
Aeroporti Ndërkombëtar “Nënë Tereza” do tu kthehet shqiptarëve dhe shtetit të tyre sipas përcaktimeve fillestare të kontratës koncesionare. Shqipëria do tu kthehet shqiptarëve! #ShqipëriaFiton
— Lulzim Basha (@lulzimbasha_al) January 29, 2021
