Aktivistë të Partisë Komuniste greke kanë bllokuar forcën ushtarake shqiptare që po udhëtonte nën flamurin e NATO-s për të marrë pjesë në stërvitjen e aleancës “Noble Jump”.
Lajmi është publikuar së pari nga radiostacioni zyrtar i Partisë Komuniste, 902 FM.
Autokolona e përbërë nga dy autobusa dhe 20 mjete shoqëruese është bllokuar në stacionin e taksës rrugore në Polimilo të Kozanit, në Greqinë veriore, 130 km nga Kapshtica, shkruan “Ora News”.
Aktivistët e majtë kanë që në mesditë që po qëndrojnë në mes të rrugës, duke mos e lejuar autokolonën ushtarake që të vazhdojë rrugën për në Rumani që është destinacioni përfundimtar. Ata kërkojnë që autokolona të kthehet mbrapsht, në Shqipëri.
Ata mbajnë në duar banderola ku shkruhet “Vrasës të NATO-s shkoni në shtëpi”, “As tokë, as ujë vrasësve të popujve”, etj.
Mes tyre ndodhet një deputet komunist i parlamentit grek si dhe një eurodeputet.
Në vendngjarje janë dislokuar forca të shumta policore, ndërsa aty ndodhet edhe prokurori i Kozanit. Por deri në orët e vona të pasdites autokolona mbetej e bllokuar dhe protestuesit kërcënonin se nuk kanë për të lëvizur nëse autokolona ushtarake shqiptare nuk kthehet mbrapsht.
Pse rrogat rriten në letra, por varfëria rritet në realitet?
