Kryeministri Edi Rama në “Komunikimin Javor”, u ka kërkuar falje të gjithë elektoratit duke u shprehur se ai dhe grupi i tij parlamentarë janë dukur sikur janë përfshirë më shumë se ç’duhet në çështjet më të fundit të zhurmshme në vend. Kështu, Rama e ka pasur fjalën për çështjen e ish-ministri të tij Saimir Tahiri, i cili dyshohet se është i implikuar në dosjen “Habilaj”.
“Javë e trazuar, politika e tollovioti edhe njëherë Shqipërinë me një grindje. Qytetarit të zakonshëm mund t’i jetë dukur se ne i harruam ata për tu marrë me
njëri – tjetrin. Unë ju kërkoj ndjesë dhe grupi im parlamentarë nëse iu kemi lënë përshtypjen jo të mirë. Kjo javë ishte një kthim mbrapa, në kohën e çadrës. Pavarësisht zhurmës dhe pengesave, jo vetëm që nuk e kam harruar, por as e kam lënë pas dore punën që na takon për të bërë,” tha Rama.
Po ashtu kryeministri Rama foli edhe për raportin e Komisionit Europian, për ekonominë, ku sipas tij të dhënat e ekspertëve kanë shënuar një rritje
inkurajuese.
“Komisioni Europian vlerësoi rritjen më të shpejtë ekonomike në rajon, për uljen e borxhit publik. Të dhënat e eksporteve kanë shënuar rritje inkurajuese. Edhe në luftën kundër informalitetit është konstatuar rritje e xhiros. Këto janë lajme të mira që më motivojmë, por që nuk na mjaftojnë. Ka kaq shumë për të bërë në çdo sektor” tha kryeministri.
