Kryesuesi i Komisionit Shtetëror për Shënjimin dhe Mirëmbajtjen e Kufirit Shtetëror, Shpejtim Bulliçi, ka prezantuar para Komisionit për Integrime Evropiane informacionet e gjeturat nga terreni rreth demarkimit të kufirit me Malin e Zi.
Bulliçi tha se ish-komisioni ka punuar në mënyrë abuzuese dhe se ka pasur idenë se çfarë ka bërë.
Gjatë raportimit para komisionit për Integrime Evropiane, lidhur me të gjeturat e komisionit që udhëheq për Demarkacionin, kryesuesi tha se komisioni në krye me Mehën ka vënë vi të re kufitare me Malin e Zi, ndërsa shtoi se komisioni i ri nuk ka ende raport final.
Ditë më parë, anëtarët e këtij komisioni e kanë njoftuar kryeministrin Ramush Haradinaj, për punën e tyre të deritashme në mbledhjen dhe përpunimin e të dhënave nga burimet e ndryshme.
Këto informacione janë mbledhur nga terreni si dhe nga takimet e punës të zhvilluara gjatë javës së kaluar në Republikën e Kroacisë dhe të Sllovenisë, me qëllim të sigurimit dhe verifikimit të të dhënave faktografike, konsultimeve dhe shkëmbimeve të përvojave me zyrtarët relevantë të këtyre shteteve.
