Kroacia ka arritur një sukses historik në futboll, pasi për herë të parë ka luajtur një finale Botërori. Edhe pse u mposht nga Franca dhe nuk arritën ta merrnin kupën në shtëpi, kroatët janë mjaft krenarë për atë që kanë dhënë në fushë futbollistët.
Komentatori i njohur i futbollit kroat, Josko Jelicic, pas finales ka komentuar suksesin e këtyre lojtarëve dhe nja ana tjetër ka sulmuar politikën që të mos ndërhyjë në këtë mes. Ai duket se e ka me presidenten Kolinda Grabar-Kitarovic e cila shoqëroi këtë rrugëtim të Kroacvisë në stadiume.
“Më vjen keq dhe jam krenar për këtë, kam parë djemtë që qanin në stadium, është e vështirë për mua. Këto lot janë të vështirë për t’u parë, këta djem kanë dhënë gjithçka që kishin”, tha fillimisht Jelicic.
“Ne duhet t’i tregojmë këtyre lojtarëve se sa të kënaqur dhe të gëzuar jemi sonte, sidomos nesër kur të kthehen. Politikanët tani do të fillojnë promovimin e vetes, them se ata nuk e meritojnë, sepse për shkak të tyre ne jemi shteti më i varfër në Bashkimin Evropian”, përfundoi komentatori i njohur kroat.
