Të gjithë ne mundohemi të ushqehemi shëndetshëm, sigurisht për të pasur një jetesë të mirë dhe për t’u paraprirë sëmundjeve të ndryshme.
Por, ka disa kombinime që bëjnë “mrekulli”. Një ndër to është edhe kombinimi kos me brokoli, i cili mund të parandalojë kancerin e zorrës. Ky është përfundimi i bërë së fundmi nga një studim në Singapor, ndërsa theksohet se ky kombinim jo vetëm parandalon, por edhe kuron kancerin e zorrës.
Sipas studimit, kosi i përzier me brokoli ka zhdukur 75% të tumoreve tek minjtë dhe më shumë se 95% të qelizave kancerogjene të zhvilluara në laborator.
Brokoli përmban një substancë kimike që lufton kancerin (i quajtur sulforane), ndërsa kosi përmban probiotikë – bakteri që ndihmon për të mbajtur një balancë natyrale të organizmave në stomak dhe zorrë.
Duke u bazuar në këto gjetje, shkencëtarët besojnë se ky kombinim mund të përdoret për të parandaluar zhvillimin e kancerit dhe për të zhdukur qelizat kancerogjene pas heqjes me operacion të masës tumorale.
