Kolegji Zgjedhor ka rrëzuar sot presidentin Meta, pasi vendosi të lërë në fuqi 30 qershorin si datë të zgjedhjeve. Menjëherë pati një reagim nga zëdhënësi i presidentit, Tedi Blushi, i cili shkroi në Facebook: “Asnjë surprizë nga skeçi i radhës, i orkestruar prej kohësh”.
Por, a do të dorëzohet Meta përballë ‘humbjes’?
Presidenti ka bërë tashmë lëvizjen e radhës, teksa mësohet se nesër në 08:00 të mëngjesit do të mbajë një konferencë për shtyp. Nuk dihet ende se çfarë do të njoftojë presidenti, teksa koha e mbetur drejt 30 qershorit po përfundon.
