Kryetarja e LSI-së, Monika Kryemadhi ka dërguar një mesazh kryeministrit Edi Rama, jashtë Kuvendit, nga ku ka folur për mediet.
Kryemadhi i bëri thirrje Ramës që të marrë përgjegjësitë e tij, ndërsa teksa iu referua sasisë rekord të kapur të kokainës, ajo tha se kjo dëshmon që Shqipëria është e zhytur në mjerim.
Prononcimi i Kryemadhit:
Vetëm ndjenja e frikës mund ta detyrojë Ramën që t’iu tregojë padronëve të tij që kjo gjë nuk është pjesë e aksionit të partnerëve ndërkombëtarë, por që ishte një aksion rastësi ku do t’ju japë mesazhin partnerëve të tij që sasia e drogës do t’u shkojë sërish në destinacion.
I bëj thirrje të distancohet, të marrë përsipër përgjegjësitë e veta si km. Kjo sasi kaq e madhe e kokainës, e cila është një sasi rekord, tregon edhe njëherë fatkeqësinë dhe mjerimin në të cilin është zhytur Shqipëria. Krimi i organizuar po shkatërron çdo qelizë të familjes shqiptare, por edhe të shtetit shqiptar.
