Ish-kapiteni i përfaqësueses shqiptare, Rudi Vata u shpreh për kapitenin aktual të kombëtares, Mërgim Mavrajn se nuk ka çfarë jep më në skuadër.
“Sa i përket Mavrajt, me gjithë respektin për atë që ka dhënë dhe karrierën që ka, mendoj se koha e tij te kombëtarja ka përfunduar dhe nuk ka çfarë jep më”, deklaroi Vata.
Ndërkohë, nga ana tjetër, Mavraj ka reaguar lidhur me këtë deklaratë, duke postuar në rrjetet sociale një fotografi të Fatmir Vatës, ish-sulmuesit të përfaqësueses shqiptare i cili ka luajtur për shumë vite në Gjermani.
“Unë vetëm një Vata e njof”, shkruan Mavraj krahas fotos, , duke injoruar në këtë mënyrë fjalët e Rudi Vatës për të.
