Dy nga deputetët me fjalorin më të shthurur në kuvendin e Shqipërisë janë Edi Rama dhe Sali Berisha. Për t’i ndaluar këta të dy, por edhe të tjerë që të përdorin terma ofendues, në Kuvendin e Shqipërisë është miratuar drafti për Kodin e Etikës. Ky draft është miratuar me konsensus nga që gjitha partitë.
Ku kod i ri etike ka për synim që të orientojë deputetin të ushtrojë detyrën e tij duke përcaktuar parimet etike sipas standardeve të duhura të sjelljes dhe të forcojë integritetin e tij gjatë kohëzgjatjes së mandatit.
Një prej neneve të kësaj rregulloreje, ka të bëj me ngacmimet seksuale ku në nenin 10 thuhet se: Deputetit i ndalohet çdo sjellje me natyrë seksuale që prek dinjitetin e cilitdo dhe që konsiderohet e padëshiruar, e papranueshme, e papërshtatshme dhe ofenduese për personin tjetër si dhe krijon një mjedis pune shqetësues, të paqëndrueshëm, armiqësor dhe frikësues. Për qëllim të këtij neni, sjellja e deputetit përfshin dhe nuk kufizohet në veprime fizike, fjalë, gjeste ose çdo lloj komunikimi virtual.
Ndërsa me tej thuhet se çdo deputet përpiqet të sigurojë dhe të mbajë një mjedis pune pa ngacmime seksuale. Ai reagon menjëherë, raporton, kërkon evidentimin dhe hetimin e rastit, kur merr dijeni të ndonjë pretendimi për ngacmim seksual, duke mundësuar që viktima e ngacmimit seksual të mos frikësohet, të mos denigrohet dhe të mos injorohet pretendimi i tij.
