Zv/ministri i Mbrojtjes, Petro Koçi, ka hedhur një akuzë të rëndë ndaj ish-kryeministrit Sali Berisha, në lidhje me deklaratat e tij për Kosovën dhe qëndrimin ndaj presidentit të Kosovës, Hashim Thaçi. Koçi e cilëson ish-kryeministrin një depozitë helmi, që derdh helmin e radhës.
Më herët ai ka shkruar në Facebook se tezat e Thaçit duhet të qartësohen, dhe se institucionet duhet të jenë të kujdesshme, kur diskutohen teza të tilla.
Ai nuk lë pa thumbuar Berishën, ndërsa citon se ai vrapon që të marrë flamurin e patriotit, pasi në disa momente politike është kompromentuar rëndë.
