Klopp kërkon mbështetjen e “Gladiatorit”, por ai zgjedh Romën

Liverpool do të përballet me Romën në mbrëmje në një ndeshje që premton shumë spektakël. Italianët do të përpiqen të bëjnë mrekullinë dhe të fitojnë 3-0 përballë “The Reds” edhe pse kjo duket mjaft e vështirë por jo e pamundur, pasi një rezultat të tillë ia morën edhe Barcelonës e Chelseas në “Olimpico”.Jurgen Klopp është shprehur me shaka se në mesin e fushës do të kenë edhe “Gladiatorin”, duke iu referuar aktorit australian Russel Crowe. BT Sport ka folur me Klopp në prag të ndeshjes duke e pyetur nëse e ka parë ndonjëherë filmin Gladiatori. “Patjetër, Russel Crowe do të luajë në mesfushë nesër,” ishte përgjigja e gjermanit me humor.Por duket se australiani nuk është në krah të Liverpool në këtë mbrëmje dhe me anë të një postimi në Twitter është rreshtuar në radhët e romanëve, duke parë edhe miqësinë që ka me Francesco Tottin. “Ha, ekipi i gabuar!” përgjigjet Crowe në Tëitter. “Forza Roma!” Aktori australian është një tifoz i madh i futbollit dhe është gjithashtu një mik i ngushtë i legjendës së Juventus Alessandro Del Piero.