Një tjetër rast abuzimi dyshohet të ketë ndodhur në Kavajë. Kështu ka bërë të ditur mbrëmë në emisionin “Opinion” gazetarja e kronikës, Klodiana Lala.
Referuar informacioneve të saj, Lala tha se psikologia e Bashkisë ka ngritur dyshime për abuzim të mundshëm me një vajzë të mitur, prindërit e së cilës janë me probleme të shëndetit mendor.
Psikologia ka ngritur dyshime se vajza mund të jetë objekt abuzimi, por pa patur ndonjë fakt konkret.
Më tej, Lala tha se policia i ka dërguar informacionet në qendrën e mbrojtjes së fëmijëve për të mësuar nëse ka ndonjë indicie konkrete.
