Klement Balili, një nga personat më të kërkuar në Shqipëri, është rrëfyer për mediat pak para se të dorëzohej.
Ai ka treguar për gazetarin Artan Hoxha se si arriti të fshihet për një kohë kaq të gjatë dhe pse vendosi të dorëzohej pikërisht tani.
I ashtuquajturi “Eskobari i Ballkanit” tha se vendosi t’i fshihet policisë për shkak të mungesës së provave në Shqipëri ndaj tij dhe procesit gjyqësor që po zhvillohej ndaj tij në Greqi, duke shmangur kështu që ai të mbetej në burg gjatë gjithë kësaj kohe.
Pjesë nga intervista me gazetarin Hoxha:
Kur vendosët të largoheshit nga banesa dhe të fshiheshit nga policia?
Nga fillimi dhjetorit u bë një operacion në 2016 në shtëpi
Unë kisha lëvizur atë ditë kur mora vesh që ishte bërë kontrolli në shtëpi, u fsheha
Pse e menduat shmangien nga arrestimi?
Nuk kishte prova këtu dhe unë mund të qëndroja në burg sa të mbaronte çështja në Greqi
Po mund të qëndronit në burg dhe të përballeshe, nëse ju jeni i bindur që nuk ka prova…
Drejtësia nuk kishte dokumentet e duhura që të më çonte në gjykatë
Mbas më shumë se 2 vjet e gjysmë ju dorëzoheni pse pikërisht në këtë moment?
Po në këtë moment kam marr njoftim nga avokati që ka ardhur dokumentacioni për t’u gjykuar që çështja ime i kalon drejtësisë shqiptare. Nga ky moment që çështja ime i kalon drejtësisë shqiptare unë jam i gatshëm ti paraqitem drejtësisë.
