Kledi Kadiu është larguar nga Shqipëria prej vitesh dhe vlen për t’u theksuar fakti se suksesi i tij si balerin në Itali ka qenë i jashtëzakonshëm. Kledi është kthyer në një ndër emrat më të njohur e të vlerësuar për talentin që e karakterizon dhe ditën e sotme ka shpërndarë me ndjekësit në Instagram një lajm mjaft të bukur.
Balerini ka rrëfyer se është emëruar kandidat në administratën e Fondacionit Nacional të kërcimit të Romës.
I lumtur dhe plot krenari, Kledi ka pohuar se do të përpiqet të bëjë më të mirën në angazhimin e tij të ri: “Do të përpiqem të bëj një punë të mirë dhe t’i dedikoj këtij impenjimi të ri të gjithë pasionin dhe impenjimin, që si gjithmonë i kam dhënë në punën time”.
