Një 27-vjeçar u zgjua nga një dhimbje e fortë në veshin e tij, ndaj u detyrua të telefononte punën e tij se do të mungonte. Pas disa tentativave për të kuptuar se çfarë kishte në veshin e tij, Liam Gomez u tmerrua kur nxorri një merimangë.
“Reagimi im fillestar ishte vetëm për të nxjerrë atë gjë të përgjakur sa më shpejt që të ishte e mundur. Unë isha i revoltuar, pasi i urrej merimangat!”, ka thënë ai.
27-vjeçari hodhi vaj ulliri në vesh, me shpresën se mund të qetësohej. Por dhimbja vazhdoi, kështu që ai futi një kunjë pambuku për të parë se çfarë nuk po shkonte mirë.
Dhe pikërisht në këtë moment ndodhi ajo që nuk pritej. Teksa nxirrte kunjën jashtë, ai pikasi këmbët e merimangës të kapura pas saj.
Gomez, më pas nisi ta nxirrte insektin duke përdorur një karficë flokësh, dhe një tjetër kunjë pambuku.
