Kina deklaroi sot se ka protestuar zyrtarisht pranë Koresë së Veriut, menjëherë pas testit të saj të fundit bërthamor, më i suksesshmi nga Pheniani deri tani.
“Pekini paraqiti protestat e tij të forta pranë personit përgjegjës në ambasadën e Koresë së Veriut në Kinë”, u deklaroi gazetarëve Geng Shuang, zëdhënës i diplomacisë kineze.
“Kina i kundërvihet zhvillimit nga Koreja e Veriut të programit të saj bërthamor dhe balistik dhe ne jemi të angazhuar në denuklearizimin e gadishullit. Ky pozicion njihet shumë mirë nga Koreja e Veriut”, shtoi ai.
Koreja e Veriut njoftoi të dielën se ka testuar me sukses një bombë me hidrogjen, duke shkaktuar dënime nga i gjithë komuniteti ndërkombëtar.
