Kim Jong Un njihet si lideri më i tmerrshëm i ditëve të sotme, i cili mbanë të izoluar popullin e Koresë së Veriut. Por politikani italian i cili është edhe miku i tij ka zbuluar një detaj mjaft interesant, ku shprehet se ai është një tifoz i zjarrtë futbollit dhe veçanërisht i Interit.
“Gjithçka ka nisur ne 2011. Atëherë kur Kim mori vendin e babait të tij në udhëheqjen e Koresë”, zbulon Antonio Razzi. “E dinit që si i ri kishte studiuar në Bern të Zvicrës dhe pastaj shkonte në San Siro për të parë ndeshjet e Interit dhe Milanit? I pëlqen shumë futbolli italian dhe është tifoz i Interit”, thotë ai.
“Unë në anën tjetër jam tifoz i Juves por nuk kemi folur kurrë për futboll. Ka shumë rivalitet mes Interit dhe Juves, nuk doja të krijoja një motiv përçarje mes nesh. Ndonjëherë me vete mendoja: Antonio, mos i fol për Juven sepse pastaj ky këtu të zhduk. Me të flas gjermanisht. Kam jetuar për disa vite në Zvicrën gjermane kështu që me Kim flasim gjermanisht”, ka përfunduar Razzi.
