Asambleja Parlamentare e Këshillit të Evropës refuzoi, për herë të dytë, 3 kandidaturat e paraqitura nga qeveria shqiptare, për në Gjykatën e Strasburgut.
Kandidaturat e rrëzuara janë Aurela Anastasi, Sokol Berberi dhe Aleksandër Muskaj.
Komiteti për zgjedhjen e gjyqtarëve, në raportin e paraqitur, thekson se tre emrat e propozuar nga qeveria shqiptare nuk i plotësojnë kriteret për të zëvendësuar gjyqtarin shqiptar në Gjykatën e të Drejtave të Njeriut, Ledi Bianku.
Këshilli i Evropës mund t’i rrëzojë kandidaturat për dy arsye: Procedurat e brendshme të përzgjedhjes së tre kandidaturave nuk kanë qenë të ndershme dhe transparente; kandidaturat nuk plotësojnë aftësitë profesionale apo të integritetit.
Gjyqtarët shqiptarë, që emërohen në Gjykatën e të Drejtave të Njeriut, shqyrtojnë kryesisht ankimimet e qytetarëve shqiptarë, që kërkojnë të drejtën e tyre për çështjet pronësore, pasi u është mohuar e drejta në shkallët e gjyqësorit vendas.
