Një anëtar i rrethit të ngushtë të Viktor Orban ka dhënë dorëheqjen, pasi kryeministri hungarez foli kundër bërjes “popuj të racës së përzier”. Zsuzsa Hegedus, e cila e njeh nacionalistin Orban për 20 vjet, e përshkroi fjalimin si një “tekst të pastër nazist”, sipas mediave hungareze.
Komiteti Ndërkombëtar i Aushvicit i të mbijetuarve të Holokaustit, e quajti fjalimin “i marrë dhe të rrezikshëm”.
Zëdhënësi i Orban tha se media i kishte keqinterpretuar komentet. Fjalimi u mbajt të shtunën, në një rajon të Rumanisë që ka një komunitet të madh hungarez.
Në të, Orban tha se popujt evropianë duhet të jenë të lirë të përzihen me njëri-tjetrin, por se përzierja me jo-evropianët krijoi një “botë të racave të përziera”.
“Ne jemi të gatshëm të përzihemi me njëri-tjetrin, por nuk duam të bëhemi popuj të racës së përzier,” tha ai.
Pikëpamjet kundër emigracionit të z. Orban janë të njohura, por për zonjushën Hegedus fjalimi i së shtunës kaloi kufirin.
“Nuk e di se si nuk e vutë re që fjalimi që mbajtët është një diatrime thjesht naziste e denjë për Joseph Goebbels”, shkroi ajo në letrën e saj të dorëheqjes, sipas uebsajtit hungarez të lajmeve hvg.hu.
Goebbels ishte kreu i ministrisë së propagandës së Adolf Hitlerit. Grupi më i madh hebre i Hungarisë gjithashtu dënoi fjalimin dhe bëri thirrje për një takim me zotin Orban.
Vërejtjet e zotit Orban për racën janë kritikuar ashpër nga disa në Hungari dhe janë mbrojtur po aq ashpër nga të tjerët.
“Vetëm një racë banon në këtë tokë, Homo Sapiens. Dhe është unike dhe e pandarë,” komentoi Robert Fröhlich.
Politikanët e opozitës, të mposhtur me vendosmëri nga partia Fidesz e Z. Orban në zgjedhjet e prillit, thanë se komentet e tij ishin “të padenjë për një burrë shteti evropian”.
Zëdhënësi i qeverisë Zoltan Kovacs u përpoq të zbehte korin në rritje të dënimit, duke argumentuar se kryeministri kishte qenë i hapur për temat e imigrimit dhe asimilimit për vite me radhë.
Burimi i lajmit: BBC. Përshtatur nga Tirana Today
