Me një vendim unanim, Këshilli Bashkiak i Shkodrës ka dhënë pak minuta më parë miratimin për të nxjerr në ankand aksionet e klubit Vllaznia me një çmim fillestar prej 600 milionë lekësh, (të vjetër).
Me 39 vota pro, Këshilli i Bashkisë Shkodër i hap dritën jeshile privatizimit të klubit.
Pas një mbledhjeje maratonë të Këshillit Bashkiak, ku nuk munguan debatet me anëtarëve për Vllazninë, në fund të gjithë votuan “online” dhe asnjë prej këshilltarëve nuk ishte kundër privatizimit.
Tashmë hapet një faqe e re në historinë e klubit shkodran, teksa do të nisë një proces shumë i rëndësishëm, ku biznesmenët e interesuar për të blerë Vllazninë, do të përfshihen në një ankand.
Më pas, bashkia do të vendosë se kujt do t’i japë klubin me 100 % të aksioneve.
