Nëse jeni pjesë e zonave që janë përmbytur duhet të bëni shumë kujdes me rikthimin në banesat tuaja. Emergjencat Civile japin disa këshilla që duhen ndjekur nga secili për të evituar problemet dhe rrezikimin e jetës.
Këshilla që duhen ndjekur pas përmbytjes:
– Kthehuni në banesë pasi të kenë urdhëruar drejtuesit e emergjencës.
– Mos takoni asnjë çelës elektrik pa u bindur për sigurinë e rrjetit.
– Kontrolloni rrëzimin e mureve , shkallëve, dyerve apo kanalet e ndryshme të shkarkimeve të ujërave dhe lajmëroni autoritetet për dëmtimet e ndryshme të banesës.
– Asnjëherë mos përdorni ujin për pirje që vjen nga rrjeti i ujësjellësit sepse mund të jetë i infektuar. Kur është e domosdoshme ziejeni ujin që te asgjësoni mikroorganiznat që gjendën në të.
– Mos konsumoni ushqimet e lagura nga përmbytja.
