Gruaja e cila ishte rritur në një jetimore, plot 50 vite i kanë kaluar duke kërkuar babanë e saj biologjik nga i cili në fund e kuptoi se shoqja e saj e ngushtë nga fëmijëria është në fakt gjysmë-motra e saj.
Cara Jane Farrar Peterson, 52-vjeç nga Scarborow në Yorkshire, ka pranuar se më në fund po ndihet sikur “nuk është vetëm”, dhe këtë koment e ka bërë vetëm pasi e kuptoi se ka lidhje gjaku me Caren Smith, 51-vjeçe, shoqja e saj e pandashme e fëmijërisë.
Cara pothuajse për gjysmë shekulli është munduar ta zbulojë identitetin e babait të saj, pasi që nëna Linda që ishte martuar gjashtë herë, është në repartin e shëndetit mental që kur Cara ishte fëmijë.
Michael Farrar, kishte refuzuar të marrë kujdestarinë e Caras dhe motrës së saj Mel, dhe si rezultat i këtij veprimi ato u detyruan të rriten në jetimore.
Megjithatë, gjithçka ndryshoi kur Cara në një emision televiziv e kuptoi se Michael i kishte edhe dy fëmijë tjerë, dhe se njëra prej tyre është shoqja e shkollës Caren, transmeton Telegrafi.
“Ka qenë shumë e vështirë. Gjithmonë jam ndjerë si një shpirt i humbur, dhe tani më në fund ndihem sikur nuk jam vetëm. Ne gjithmonë kemi qenë të pandara, sikur të kishim ditur më parë që jemi motra”, ka deklaruar Cara.
