Opozita ka djegur mandatet e deputetit dhe sot kanë dalë në protestë si pjesë e popullit. Kryeministri Edi Rama ka reagua për situatën e krijuar në vend. Ai i shtrin dorën e bashkëpunimit opozitës, ndërsa kjo e fundit ka dorëzuar mandatet. Në një konferencë për mediat, shefi i qeverisë tha se është gati të ulet dhe të dialogojë por me disa kushte: kundër retorikës së dhunshme si dhe nuk do ketë ndryshim të qeverisë, pasi sipas tij ai është marrë nga populli.
“Nga lloj lloj figurash kanal, kanal, portal portal, kam hyrë në një borxh të pashlyeshëm me gruan dhe nënën, por edhe me të tjerë që nuk mbahet mend sa herë i kam takuar. Por e kam pranuar si haraçin e punës. Por nuk e kam ngritur gishtin ndaj atyre që më kanë akuzuar që më kanë cilësuar si drogaxhi, mohuesi i fëmijës tim.
Nuk e gjeni asnjëherë ta kem thënë Saliu kriminel. Mund të gjeni ndonjë audio, ndonjë sarkazama dhe ironi ndaj personazhit publik, por asnjëherë sulme verbale, lërë një herë të kem shantazhuar ndonjë pronar mediash pavarësisht tonelatave të baltës. Nganjëherë më provokojnë në daljet e mira në rrjetet sociale. Nuk e dinë që është shumë vonë për mua të bëj çunin e mirë dhe shumë herët plakun e urtë.
Në çdo fushë të djegur të minuar që gjetëm 5 vjet e gjysmë më parë, shumëkush e harron, në një vend ku vjedhja ishte sekreti më i madh shtetëror, që nga dritat deri te shkumësat. Ishte krimi si hije e jetës politik edhe publike, që nga vrasësit që nxirreshin nga burgu, për të shoqëruar deputetët e partisë në fushatat elektorale. Ky është me siguri momenti ku kërkojnë kokën time. Ata që kërkojnë kokën time ia futën në mes popullit”, tha Rama.
“Nuk jam i rënë nga qielli”, Rama: Është shumë vonë për të bërë çunin e mirë
