Ka zgjatur rreth 90 minuta takimi i ambasadorit amerikan ne vendin tonë, Donald Lu me kryeministrin Edi Rama. Takimi mes tyre është zhvilluar larg vëmendjes së medias, në godinën e kryeministrisë.
Nuk dihet ende asnjë informacion më tepër për këtë takim, por kamerat kanë filmuar makinën e ambasadorit të parkuara para Kryeministrisë dhe pak me pare, edhe ambasadorin Lu teksa del nga dera e kryeministrisë dhe i drejtohet automjetit të tij.
Ky takim vjen dy ditë pasi ambasadori Lu bëri një deklarate te forte, teksa i kërkonte llogari Politikanëve, policëve dhe prokurorëve se ku janë rezultatet në luftën kundër krimit të organizuar dhe korrupsionit.
“Politikanëve, policëve dhe prokurorëve: ju u zotuat përpara popullit shqiptar dhe përpara nesh. Ne investuam në burimet për t’ju ndihmuar në luftën kundër krimit të organizuar dhe korrupsionit. Ku janë rezultatet? Populli shqiptar do që t’i jepet fund pandëshkueshmërisë. Komuniteti ndërkombëtar kërkon rezultate konkrete përpara vendimeve të rëndësishme këtë pranverë. Tik-tak.”
Ambasadori Donald Lu
