E kishim parë deri tani protagonist me Lokomotiv Zagreb, mes golave dhe asisteve, por tashmë është momenti për të parë edhe anën e errët të Myrto Uzunit. i kuqi i parë në Kroaci ka ardhur në Kupë, ku në fazën çerekfinale, përballë Rijekës, në minutën e 40-të të pjesës së parë, futbollisti i kombëtares ka bërë një ndërhyrje të ashpër me taka të ngritur ndaj kundërshtarit.
Arbitri e ka përjashtuar, teksa beratasi ka kërkuar edhe falje për ndërhyrjen. Ai ka dalë në lot, teksa shokët e ekipit e ngushëllonin.
