Banorët e Zagorisë dolën sot në protestë kundër kërkimeve për naftë. Menjëherë reagoi edhe kryeministri Rama, i cili u dha atyre garancinë se nuk do të ketë shpime për kërkim nafte në Zagori.
Së fundmi ka reaguar edhe vetë kompania SHELL, ku drejtori i saj në Shqipëri, Rohan D’Souza tha se pas studimit të kryer nga kompania në bllokun 4, SHELL nuk do të kryejë kërkime në këtë zonë.
Ai shprehet se kjo zonë është e kategorizuar si e mbrojtur nga legjislacioni shqiptar dhe për pasojë nuk do të këtë asnjë aktivitet shpimi dhe kërkimi për naftë.
“Pavarësisht rezultateve të studimit sizmik që kompania planifikon në Bllokun 4, Shell nuk do të kryejë aktivitete kërkuese, shpuese në nënzonën e mbrojtur të Zagorisë, e cila gëzon një mbrojtje të veçantë nga legjislacioni shqiptar”, tha ai.
