Futbollisti i njohur egjiptian që luan për Liverpulin në Angli Mohamed Salah ka dalë publikisht me një mesazh për kryeministrin anglez dhe liderët botërorë ku i kërkon të bëjnë gjithçka që munden për të ndalur humbjet e jetëve të pafajshme duke i’u referuar kështu konfliktit Izrael- Palestinë.
Mohamed Salah: “Unë kërkoj nga të gjithë udhëheqësit botërorë, përfshirë Kryeministrin e vendit që ka qenë shtëpia ime për 4 vitet e fundit, të bëjnë gjithçka që kanë në dorë për t’u siguruar që dhuna dhe vrasja e njerëzve të pafajshëm të ndalet menjëherë. Kur është shumë, është shumë.”
