Kryeministri Edi Rama ka folur me detaje për vendimet e marra nga qeveria lidhur me kërkesat e studentëve pas protestës masive.
Duke folur për pikën 5 dhe 6 që përfshihej në 8 kërkesat, Rama sqaroi se qeveria ka vendosur që anëtarin e saj përfaqësues në bordin e administrimit do propozohet nga studentët. Ndërsa nga ana e përfaqësisë së universitetit, kjo e fundit ka të drejtë të zgjedhë një student përfaqësues.
Po ashtu, kryeministri tha se anëtarët e administrimit janë defacto të shkarkuar tashmë ndërsa emërimet e reja do realizohen në periudhën prill-maj 2019.
Sa i takon pikës 6, kryeministri njoftoi se qeveria ka vendosur të bashkëpunojë me Komisionin Evropian dhe të pajisë studentët shqiptarë me një kartë evropiane, gjë që pritet të realizohet deri në fund të 2019-ës.
Fjala e Ramës:
Kërkesa e pestë lidhet me bordin e administrimit. Situata është që bordi përbëhet nga 7 anëtarë të punësuar me kohë pjesshme, zgjidhen nga Senati akademik dhe përfaqësues të qeverisë që zgjidhen nga MASR. Bordet kanë pasur profil të ulët, roli i tyre nuk është kuptuar siç duhet. Bordet e kanë përmirësuar menaxhimin financiar të institucioneve të arsimit të lartë. Kemi vendosur që të miratojmë një VKM për përcaktimin e kritereve për zgjedhjen e anëtarëve të bordit të financimit. Anëtarët ekzistues janë defacte të shkarkuar, emërimet e reja do të bëhen me një proces të hapur në sytë e studentëve e publikut. Një prej anëtarëve të qeverisë do të vijë si propozim nga studentët, jo student. Figura publike të njohura, ekspertë etj etj. Studentët të propozojnë jo më pak se 3 kandidatura dhe qeveria ta çojë në bord. Senatet janë të lira që të propozojnë një prej studentëve që janë anëtarë senati. Afati i realizimit, prill-maj 2019.
Kërkesa e 6- pajisja me kartë studenti. Situata dihet. Nga shkurti kemi nisu një proces me KE sepse mendojmë se përfshirja e studentit shqiptar në rrjetin e kartës evropiane të studentit, u jep atyre prioritet. Nuk është karta ajo që i ka penguar studentët të shkojnë në teatër apo bibliotekë. Të jemi të sinqertë. Procesi ka kërkuar kohë për t’u realizuar pasi kërkohet një përfshirje institucionesh. Zgjidhja është që MAS do bëjë publike marrëveshjet e lidhura dhe brenda janari 2019 janë 2 vendimet që do miratohen. Fundi i 2019-ës është afati i realizimit./ TIRANA TODAY
