Një burrë gjysmë i zhveshur, ka alarmuar policinë greke në Athinë. Ai qëndronte përballë monumentit të Ushtarit të Panjohur, dhe kërcënonte se do të qëllonte me armë zjarri rreth orës 3 të mëngjesit të së martës.
Burri gjysmë i zhveshur mbante një pankartë ku shkruhej “Mbreti Minos, grusht shteti”. Rruga u evakuua dhe qytetarët u larguan. Dy ekipe të EKAM-it e rrethuan, ku arritën ta çarmatosnin dhe ta arrestonin.
Alarmi në polici ka rënë në orën 3:00 të orëve të para të së martës, kur një burrë gjysmë i zhveshur në gjendje të tërbuar është shfaqur duke mbajtur një pankartë përballë monumentit të Ushtarit të Panjohur, duke kërcënuar se do të hapte zjarr.
Nuk ishte e qartë nëse ai kishte një kërkesë, apo kërcënoi të bënte vetëvrasje. Pas rreth 90 minutash, burri u arrestua, pasi dy grupe të EKAM-it e rrethuan, arritën ta çarmatosnin dhe ta arrestonin. Burri është dërguar në GADA. Pas orës 5:00 të mëngjesit, janë hapur rrugët.
Burimi i lajmit: protothema. Përshtatur nga Tirana Today
