Drejtoresha e ‘Open Data Albania’, Aranitaj Brahaj, është kërcënuar në zyrë nga një përfaqësues i një kompanie, për të hequr të dhënat nga dataseti. Presioni ndaj saj shkonte më tej, se nëse ajo nuk vepronte sipas urdhërit të prerë, atëherë ajo zyrë nuk do të ekzistonte më.
Me anë të një statusi në Facebook, Brahaj ka treguar të gjithë këtë situatë kaotike, por më e revoltur është ndaj Prokurorisë, kundrejt kërcënimeve për censurë.
“Ja pra kaq vlen puna ime apo e kujto tjetër, kur vjen fjala për prokurorurët e shtetin. Nuk është vetëm media që është e kontrolluar, të drejtën për transparencë na e “privatizon” prokurori, duke favorizuar me klasifikim të gabuar të veprës penale dhe më shumë se dy herë”, shkruan ajo ndër të tjera në një status, të cilën e ka ndarë me të gjithë ndjekësit e saj.
