Unioni i Gazetarëve Shqiptarë denoncon kërcënimet verbale që ditët e fundit kanë vërshuar nëpër hapësirën virtuale, rrjetet sociale si dhe në blogjet e medieve të njohura në gjuhën shqipe.
Këto kërcënime të shumta, ditët e fundit u janë adresuar edhe emrave të njohur në debatin publik shqiptar si dhe gazetarëve që raportojnë ngjarje dhe kanë rol si moderatore në emisione të ndryshme ku trajtohen tema rreth simboleve kombëtare, identitetit kombëtar shqiptar dhe identiteteve fetare dhe bindjeve fetare.
Rasti i koleges Rudina Xhunga apo edhe i analistëve dhe komentuesve të tjerë, përbën një precedent të rrezikshëm i cili nxjerr në pah rrezikun që i kanoset pluralizmit fetar, bashkëjetesës ndër-religjionare si dhe fjalës e mendimit të lirë në shoqërinë e sotme shqiptare.
Unioni i Gazetareve Shqiptare apelon se kërcënime të tilla të shtuara janë rrezik themelor për lirinë e medieve dhe të gazetarit në Shqipëri dhe sidomos në shoqërinë e sotme shqiptare.
Për këtë arsye apelojmë pranë autoriteteve ligjzbatuese dhe sidomos pranë prelateve të feve që bashkojnë komunitetet fetare në shoqërinë tonë për më shumë solidaritet dhe refuzim ndaj akteve dhe individëve ekstremistë.
Shqipëria e vitit 2017 është një vend europian që aspiron të mbrojë dhe respektojë thellësisht vlerat e shoqërisë demokratike, vlerat e një vendi me realitet të pakrahasueshëm bashkëjtues dhe mbrojtës të identitetit dhe simboleve që garantuan ekzistencën tonë kombëtarë në shekuj.
Unioni i Gazetarëve Shqiptare u kërkon organeve ligjzbatues të vendit të ushtrojnë autoritetin e tyre ligjor dhe kushtetues në mbrojtje të lirive tona si dhe kërkon identifikimin dhe vënien para ligjit të kërcënuesit virtual të koleges Rudina Xhunga.
