Pas kërcënimeve ndaj gazetarit Ylli Rakipi, vjen reagimi i Autoritetit të Mediave Audiovizive. AMA deklaron se dënon çdo përpjekje që cenon dhe rrezikon fjalën e lirë dhe integritetin e angazhimit të komunitetit të medias.
“Si një rast i përsëritur i presionit në forma të ndryshme ndaj gazetarëve në detyrë, AMA dënon çdo përpjekje që cënon dhe rrezikon fjalën e lirë dhe integritetin e angazhimit të komunitetit të medias.
AMA solidarizohet me z. Rakipi dhe apelon për autoritetet, që menjëherë të zbardhin rrethanat dhe të venë para përgjegjësisë ligjore fajtorët e këtij akti të rëndë, si dhe të garantojnë një klimë të sigurtë dhe normale për redaksitë dhe gazetarët në ushtrimin e detyrës dhe misionit të tyre për të informuar publikun”, deklaron AMA.
Më herët reagoi edhe presidenti Meta, i cili kërkoi zbardhjen e menjëhershme të ngjarjes nga institucionet ligjzbatuese si dhe marrjen e masave ndaj autorëve.
