Pas akuzave të UEFA-s për trukim ndeshjesh nga Skënderbeu ka reaguar për herë të parë dhe presidenti i klubit të Skënderbeut Ardjan Takaj. Në reagimi, presidenti shkruan se nuk ka asnjë dijeni ne lidhje me kërcënimin e bërë ndaj personave të cilët po hetojnë Skënderbeun, ndërsa thekson se historia e klubit dhe e qytetit që përfaqëson ekipi, nuk e kanë për kulturë një gjë të tillë.
Ai shkruan se do mbështesë deri në fund zbardhjen e kësaj ngjarjeje, ndërkohë kërkon që përgjegjësitë e vërtetë të dalin para drejtësisë. Në fund të reagimit, presidenti Takaj përcjellë bindjen se Skënderbeu do të vazhdojë për të mbrojtur sukseset e arritura deri sot.
Pas akuzave për trukim, Takaj thotë së ne do të mbrojmë nderin e arritur dhe do të mbajmë fort sukseset, nërkohë premton se suksese të tjera presin klubin e Skënderbeun.
Reagimi i plotë i Ardian Takajt
Të dashur tifozë bardhekuqe dhe sportdashës të KF Skënderbeu shpreh keqardhjen dhe shqetësimin tim nga “bombardimi” që po i bëhet opinionit publik me lajme dhe sajesa ndaj në emër të Klubit të Futbollit ‘Skënderbeu’ kërkoj të sqaroj edhe njëherë se:
– KF Skënderbeu siguron UEFA-n dhe të gjithë partnerët e saj se nuk ka asnjë lidhje apo dijeni për kërcënimin që mund të jetë bërë ndaj personave që po hetojnë klubin tonë. Garancia më e madhe është historia e klubit tonë dhe natyra e qytetit që përfaqësojmë.
– Në emër të klubit dua të inkurajoj edhe njëherë organet ligj-zbatuese për zbardhjen e çështjes dhe nxjerrjen para përgjegjësisë të autorëve të vërtetë të kësaj ngjarje.
– KF Skënderbeu siguron të gjithë opinionin sportiv dhe në mënyrë të veçantë tifozërinë tonë se po ndjek me vëmendje dhe qetësi hetimin e nisur nga kompani, që kërkojnë të justifikojnë milionat që përfitojnë nga UEFA dhe “klani” anti-Skënderbeu në vendin tonë. Sigurojmë se akuzat e tyre do të rrezohen një e nga një, dhe nëse do të jetë e nevojshme deri në shkallën më të lartë të gjykimit sportiv ose penal.
– Si përfundim në emër të klubit ju siguroj se do të vazhdojmë rrugëtimin tonë e tonë për të realizuar objektivat sportiv të klubit, por tani na lind dhe detyrimi për të mbrojtur nderin dhe sukseset e arritura deri më sot. Ju sigurojmë së do të shohim përpara për suksese edhe më të mëdha.
Me respekt
Ardjan Takaj
President i KF Skënderbeu”
