Kryeministri Rama ka bërë për ujë të ftohtë rektorët e dekanët me të cilët po zhvillon një mbledhje në Ministrinë e Arsimit.
Ai ua ka hedhur atyre fajin për vendimin e tarifimit për provimet e mbartura, ndërsa ka folur për rektor që nuk mban përgjegjësi pasi është fokusuar te fitimi i tenderave.
Më tej, Rama foli për kërkesa të dekanëve për vetura 76 mijë euro e shpenzime të tjera, për të cilët nuk i vënë në dijeni studentët. Kryeministri tha se shkak për këtë është besimi që qeveria u ka dhënë bordeve të administrimit të universiteteve duke e keqpërdorur këtë autonomi.
Fjala e Ramës:
Duhet ta rishikojmë autonominë universitare, mbase ka ardhur koha, mbase u nxituam. Ka një argument, që bordi i administrimit ka shumicë të zgjedhur nga qeveria. Është e vërtetë sepse qeveria është financuesi kryesor. Kam kërkuar të di 1 rast në një universitet kur ka ardhur një propozim për bordin e administrimit dhe është penguar nga shumica që e ka qeveria. Në asnjë rast. Mbroj mendimin se bordi i qeverisë duhet të shkarkohet i gjithi. Rektori është një person i arratisur nga përgjegjësia, i pavetdijshëm se ka braktisur disa dekanate, vetëm për tendera, me shpëton nga kapaciteti për të kuptuar se ku jetoj.
Nuk aludoj asgjë, por konstatoj se rektori nuk ka kuptuar ligjin për arsimin e lartë. Si shpjegohet që universitetet harxhojnë 6 milion euro për roja sigurie, për kërkim shkencor është zero. Dekani kërkon veturë 76 mijë euro, s’ka problem ta ketë, por këto gjëra duhet t’i dinë të tjerët. Nëse senati voton që dekani të ketë një avion dhe kjo miratohet dhe studentët duartrokasin sepse dekani ka menduar si të çojë në hënë studentët, kjo të miratohet. Por këto disbalanca ekstreme, më falni po ku hyn qeveria këtu?
Jam gati të pranoj pjesën e shuplakës mbi qeverinë e të marr përgjegjësitë e mia por s’jam më i gatshëm pasi kam besuar më shumë seç duhet te autonomia e universiteteve./ TIRANA TODAY
