Shpesh na ndodh që sapo zgjohemi në mëngjes, vëmë re rrathët e zinj në sy. Pavarësisht trukeve me produkte bio, është e pamundur që ti rikthehemi gjendjes fillestare.
Specialistët janë të mendimit se një dietë ushqimore e pasur me antioksidantë, vitaminë C, K dhe anti- inflamatorë, është ajo çfarë ju nevojitet.
Ndaj përpiquni t’i pasuroni vaktet tuaja me sa më shumë boronica, domate, brokoli, speca të kuq dhe zarzavate me gjethe.
Nëse bëni përgjegjës gjumin, duhet të dini se nuk është shkaktari kryesor. Rrathët e zinj ndonëse krijohen si pasojë e mungesës së hekurit, kërkuesit vunë re se rritja e nivelit të hekurit nuk sillte ndonjë përmirësim të dukshëm.
