Ju ka ndodhur që të bleni një shalqi, dhe më pas të jeni zhgënjyer pasi ka qënë i papjekur? Ndonëse tregtarët nuk ju tregojnë ndonjë truk, atëherë ndiqni këto këshilla, dhe do të mbeteni të kënaqur.
Një ndër gabimet që bëjnë shumë blerës është se përzgjedhin një shalqi që duket sa më i pastër dhe me lëkurë të lëmuar. Në të vërtetë sa më e zverdhur dhe me shenja të jetë sipërfaqja, aq më i ëmbël është shalqiri.
Shumë pak e dinë, por edhe shalqiri ka gjini. Ka shalqi mashkullorë, të cilët janë më të gjatë dhe në formë vezake, dhe shalqi femërorë që janë të rrumbullakët. Kur të blini shalqi, hidhini një sy edhe bishtit të tij, ky detaj i parëndësishëm në pamje të parë në fakt tregon pjekurinë e frutave. Në qoftë se ai është shumë i gjelbër, shalqiri është ende i papjekur, ndërsa kur është si i fishkur dhe i kafenjtë, atëherë ai është i ëmbël.
Tashmë kur të gjendeni para stendave të tregjeve dhe marketeve, do dini të bëni zgjedhjen e duhur.
