Kjo javë është karakterizuar nga kushtet e motit të paqëndrueshëm, duke bërë që vranësirat dhe shirat të jenë dominate në të gjithë vendin. Në zonat malore ka pasur edhe reshje dëbore. Sipas Meteoalb, reshjet pritet të kthehen sërish në fundjavë, ndonëse në zona të caktuara do të jenë me intensitet të ulët.
Gjatë fundjavës, vendi ynë do të mbetet në kushte të paqëndrueshme atmosferike, ku vranësirat dhe shirat do të jenë dominante dhe të dendura në rajonin jugor, dhe në rajonin juglindor.
Pasditja e sotme do të vijojë me të njëjtat kushte atmosferike, ku vranësirat dhe shirat do të dominojnë në të gjithë vendin.
Temperaturat e ajrit do të kenë një ulje të lehtë në orët e para të ditës, dhe do të luhaten nga -4°C minimumi në zonat malore, deri 15°C, vlera më e lartë në rang territori.
