“Kam rrahur një ish-të dashur se e meritonte”, kështu është shprehur këngëtarja e famshme shqiptare, Era Rusi, e cila deri më tani ka qenë paksa e rezervuar për jetën personale.
Megjithatë, teksa ishte e ftuar në emisionin “Thumb”, Era është treguar mjaft e hapur, duke i thënë thuajse të gjitha.
Ajo tha se për momentin është single dhe tregoi se është një natyrë shumë xheloze, teksa dha një shembull që i kishte ndodhur me një të dashurin e saj.
“Isha në një ambient, por personi që kisha përballë ishte fiksuar me diçka mbrapa. “Çfarë sheh?”, i thashë, “Asgjë”, tha. “Po shkoj në tualet.”
Shoh orën, unë mendova mos e ka zënë prostata këtë, u tremba. Unë nuk shkova vetë, por çova një shokun tim. Ai më tha se nuk ishte në tualet. Çohem unë, por nga mbrapa meje më herët ishte një gocë. Tani mungonte dhe ajo goca tek tavolina. Unë shkoj në banjo të shoh vetë kur më thonë që ky djali kishte ardhur në tavolinë. Si përfundim u betua që kishte dalë jashtë të blinte cigare”, rrëfen Era duke mos preferuar të tregojë më shumë seç ndodhi me këtë djalë. Megjithatë e pyetur nga Fatma nëse ka rrahur ndonjë djalë Era e ka pranuar:
“E kam rrahur një ish-të dashur se e meritonte”, është shprehur këngëtarja. Duket se këngëtarja nuk e toleron aspak tradhtinë!
