Këngëtarja me një vokal për tu pasur zili, Era Rusi, ka sjellë projektin më të ri muzikor të titulluar “Mos ma merr”. Kjo këngë ka një mesazh të madh për një fenomen që ndodh kudo në botë. Në intervistën për “Why Not” nga Roza Lati, Era Rusi rrëfeu se ky rast i ka ndodhur në jetën reale.
“Kënga ime flet për një fenomen jo vetëm shqiptar, por në mbarë botën. Unë them diçka me zë të lartë, atë që çdo femër, edhe pse për këtë këngë flasim ‘mos ma merr bashkëshortin’, qoftë edhe të dashurin. Sepse në fund të fundit, kur jemi vetëm në krevat e qajmë poshtë jastëkut, ose mbyllemi në banjë, kur dalim është ai momenti që të mos kuptojë njeri dobësitë tona”.
Roza Lati: Të ka ndodhur ty në jetën tënde personale, të përballesh me një lloj fenomeni të tillë?
Era Rusi: Po.
Roza Lati: Si ia bëre ti?
Era Rusi: “Unë uroj që të mos më ndodhë asnjëherë. Që kur e kam kënduar, kam thënë; o Zot mos më vendos në të tilla sprova. Të gjithë ne, sado të fortë dukemi, kur vjen puna te njeriu i zemrës, na djeg. Nuk më ka djegur akoma aq shumë sa për tu lutur që mos të ma marrin”.
