Kënga “Nuk më keni bërë asgjë” e kantautorit shqiptar Ermal Meta dhe e këngëtarit të njohur italian Fabrizio Moro, nuk do të s’kualifikohet, por do të vazhdojë garën në Festivalin e Sanremos 2018
Nëndrejtori i Radio Televizionit publik italian Claudio Fasulo konfirmoi lajmin në një deklaratë për median.
Në konferencën e sotme për shtyp ai tha se pas verifikimeve të bëra ka rezultuar se “nuk kemi të bëjmë me një plagjiaturë. Autori i dy këngëve është i njëjti e sipas rregullores ka të drejtë të përdorë deri në 30 % të këngëve të tjera, e kënga “Nuk më keni bërë asgjë” i ka të gjitha të dhënat për të qenë një këngë e re . Pra nuk është një plagjiaturë.”
Mbyllet kështu polemika e nisur mbrëmë menjëherë pas mbarimit të natës së parë të Sanremo 2018 kur kënga e kantautorit shqiptar u akuzua si një plagjiaturë e një kënge të prezantuar më kategorinë e të rinjve në Sanremon e 2016.
Kënga “Nuk më keni bërë asgjë” konsiderohet të jetë një nga këngët pretendente për të fituar çmimin e parë.
Kritika e media i kanë dhënë një vlerësim të lartë e gjatë natës së parë juria popullor e ka renditur mes këngëve më të vlerësuara.
